رد على : " لا للتشيع لا للسياحة الايرانية "

رد على :  لا للتشيع لا للسياحة الايرانية  

ابريل2013

تعليق على منشور بصفحة الفيس بوك 
** خسارة الكتابة الي انت كتبتها والوقفة اللي وقفتها روح شوف مصلحتك وبلاش لخبطة كل واحد حر في اختيار دينه ومذهبه ولو ضيعنا وقتنا في الكلام ده حنتوه زي ماحنا تايهين دلوقتي كل واحد عايز يفرض رأيه على الناس في السياسة وفي الدين وضاعت الثورة الراقية المحترمة بين هذه اللخبطات وانني أحمل كل فشل للثورة لكل من يتحدث بمثل هذه الطريقة

** وأحمل أيضا كل فشل في حوادث القطارات والزبالة وتدهور الصحة وغياب الامن لكل من انشغل عن عمله بهذه الأفكار وابتعد عن أسباب التقدم والقوة التي هي من صفات المؤمن الحق

** لأن المؤمن الحق لا يشغل قلبه بالكراهية والتحيز والتشرزم ، وإنما قلبه مفتوح إلى الجميع

** إننا وللأسف الشديد أصبحنا في كلامنا في السياسة مثل الأطفال الذين يختلفون على لون وشكل لعبة وما أدل على ذلك من الشعارات التي تذكرني بلعبة عسكر وحرامية واللي مش معانا يبقى ضدنا ، والمفروض نشيل ده ونحط ده ، واللي يعايب واللي يخاصم واللي يصالح وكلها أفكار طفولية .

** ونسينا ان السياسة هي مصلحة البلد وانها مش شيل وحط ، ودول اخوان ودول مش أخوان ، ودول تبع امريكا ودول تبع روسيا ، ودول تبع المؤمنين ودول تبع الكفار .

العودة الى : 
صفحة محتويات فنون علاء الدين 
صفحات كتابات نثرية